Adoring Christ, from Haddon Hall
Suete Jhesu, king of blysse,
Myn huerte love, min huerte lisse,
Thou art suete myd y-wisse,
Wo is him that the shal misse!
[Sweet Jesu, king of bliss, my heart's love, my heart's delight! Thou are indeed sweet; alas for him who loses thee!]
Suete Jhesu, min huerte lyht,
Thou art day with-oute nyht,
Thou yeve me streinthe ant eke myht,
Forte lovien the a-ryht.
[Sweet Jesu, my heart's light, thou art day without a night! Thou givest me strength, and also the might to love thee as I ought rightly to do.]
Suete Jhesu, min huerte bote,
In myn huerte thou sete a rote
Of thi love, that is so swote,
Ant lene that hit springe mote.
[Sweet Jesu, my heart's remedy! In my heart set thou a root of thy love, which is so sweet, and grant that it may grow.]
Suete Jhesu, min huerte gleem,
Bryhtore then the sonne beem,
Y-bore thou were in Bedleheem,
Thou make me here thi suete dreem.
[Sweet Jesu, my heart's gleam, brighter than the sunbeam! Thou wast born in Bethlehem; make me to hear thy sweet melody.]
Suete Jhesu, thi love is suete,
Wo is him that the shall lete!
Tharefore me shulden ofte the grete,
With salte teres ant eye wepe.
[Sweet Jesu, thy love is sweet; alas for him who keeps thee away! Therefore we ought often to cry to thee, with salt tears and weeping eyes.]
Suete Jhesu, kyng of londe,
Thou make me fer understonde,
That min herte mote fonde,
Hou suete bueth thi love bonde.
[Sweet Jesu, king of all lands, make me to understand deeply, so that my heart may prove how sweet are the bonds of thy love.]
Swete Jhesu, loverd myn,
My lyf, myn huerte, al is thin,
Undo myn herte ant liht ther-yn,
Ant wite me from fendes engyn.
[Sweet Jesu, my lord, my life, my heart, all is thine! Unlock my heart and alight within, and save me from the fiends' attacks.]
Suete Jhesu, my soule fode,
Thin werkes bueth bo suete ant gode,
Thou bohtest me upon the rode.
For me thou sheddest thi blode.
[Sweet Jesu, my soul's food, thy works are both sweet and good. Thou hast bought me upon the rood; for me thou hast shed thy blood.]
Suete Jhesu, me reoweth sore,
Gultes that y ha wrotht yore;
Tharefore y bidde thin mylse ant ore,
Merci, lord, ynul na more!
[Sweet Jesu, it grieves me sorely to think of all the sins I have committed, and so I pray for thy clemency and pardon. Have mercy, Lord, I will never do so again!]
Suete Jhesu, loverd God,
Thou me bohtest with thi blod,
Out of thin huerte orn the flod,
Thi moder hit seh that the by stod.
[Sweet Jesu, Lord God, thou hast bought me with thy blood: out from thy heart ran the flood, and thy mother saw it who beside thee stood.]
Suete Jhesu, bryht ant shene,
Y preye the thou here my bene,
Thourh ernding of the hevene quene,
That my bone be nou sene.
[Sweet Jesu, bright and clear, I pray that thou hear my prayer; through the intercession of the Queen of Heaven may my petition now be granted.]
Suete Jhesu, berne best,
With ich hope habbe rest,
Whether y be south other west,
The help of the be me nest!
[Sweet Jesu, best of men, with thee I hope to have rest. Wherever I may be, south or west, may thy help be ever nearest to me!]
Suete Jhesu, wel may him be,
That the may in blisse se!
After mi soule let aungles te,
For me ne gladieth gome ne gle.
[Sweet Jesu, well is it for him who may contemplate thee in bliss. May angels come for my soul, for neither game nor glee delights me now.]
Suete Jhesu, hevene kyng,
Feir ant best of alle thyng.
Thou bring me of this longyng,
Ant come to the at myn endyng.
[Sweet Jesu, king of heaven, fairest and best of all things, bring me out of this longing desire, so that I may come to thee at my ending.]
Suete Jhesu, al folkes reed,
Graunte ous er we buen ded
The under-fonge in fourme of bred,
Ant seththe to heovene thou us led.
[Sweet Jesu, guider of all people, grant to us, before we die, to receive thee in the form of bread, and afterwards lead us to heaven.]